د اسلام له نظره د صبر او توکل فضیلت او په روان باندې یې اغېز تر عنوان لاندې سیمینار وړاندې شو.
په دغه سيمينار کې چې د شيخ زايد پوهنتون انجينري، حقوقو او سیاسي علومو، طب، ژورنالېزم او عامه اړیکو پوهنځیو محصلانو ګډون کړی و، په لومړۍ برخه کې یې په توکل، د توکل مرتبې او د توکل پیدا کولو اسباب، په دویمه برخه کې یې د صبر پېژندنه، ډولونه او په اړه یې نصوص، د بې صبرۍ نقصانات او همدارنګه د اسلام له نظره د صبر او توکل فضیلت باندې بحث وشو.
یاد سیمينار د محصلانو چارو معاونیت له لوري برابر شوی و، چې د شرعياتو پوهنځي اسلامي ثقافت څانګې استادانو مولوي محمد امین سعیدي او مولوي عبدالرازق هاشمي لخوا وړاندې شو.
نېټه: دوشنبه
د ۱۴۴۷ هـ.ق کال ذوالقعدة الحرام لسمه
د ۱۴۰۵ هـ.ش کال د ثور اوومه
د ۲۰۲۶ م کال اپريل ۲۷مه
نشراتو او عامه اړیکو آمريت
