د لوړو زده کړو وزارت د داخلي تفتیش هيئت د شيخ زايد پوهنتون څخه خپله ليدنه پیل کړه.
نن شنبه د ۱۴۰۳ هـ.ش کال د ميزان مياشتې ۲۱مه، چې د ۱۴۴۶ هـ.ق کال د ربیع الثاني مياشتې له ۹مې نېټې سره سمون لري، د لوړو زده کړو وزارت د داخلي تفتیش رياست د (شيخ زايد پوهنتون، پکتيا پوهنتون او د لوګر لوړو زده کړو مؤسسې) لپاره ټاکل شوي پنځه کسيز هیئت د شيخ زاید پوهنتون څخه د تېر یو کال له کړنو ارزونه پيل کړه.
ياده ارزونه کې به پورته ذکر شویو پوهنتونونو کې د ۱۴۰۲ هـ.ش کال د تطبيق شویو لویو او وړو پروژو، ساختماني او غير ساختماني چارو او د يادو پروژو د مالي تدارکاتي چارو څخه ارزونه تر سره شي.
هغه ناسته چې په همدې اړه د شيخ زايد پوهنتون رياست په مقام کې تر سره شوه، د شيخ زايد پوهنتون رهبرۍ ياد هیئت ته د پوره همکارۍ او هر ډول اسانتیاوو برابرولو ډاډ ورکړ.
نشراتو او عامه اړیکو آمريت
