د ځمکې ژوندي کول د پېغمبر صلی الله علیه وسلم سنت تر عنوان لاندې د نیالګیو کېنولو اشر پیل شو.
یکشنبه د ۱۴۰۴ هـ.ش کال د حوت مياشتې ۱۷مه، چې د ۱۴۴۷ هـ.ق کال د رمضان المبارک میاشتې له ۱۹مې نېټې سره یې سمون درلود، په شیخ زاید پوهنتون کې (د ځمکې ژوندي کول د پېغمبر صلی الله علیه وسلم سنت) تر عنوان د نیالګیو کېنولو اشر پیل شو.
په پلان کې ده چې سږ کال هم د تېرو کلونو په څېر د چاپېریال ښکلا لپاره شاوخوا ۱۰۰۰ زینتي او مېوه لرونکي ونې د پوهنځيو شاوخوا سربېره، د شرعیاتو پوهنځي ودانۍ تر څنګ، څېړنیز فارم او د پوهنتون په بېلا بېلو برخو کې کېنول شي.
یاد اشر د مالي او اداري چارو معاونیت اړوند خدماتو آمریت په هڅو ترسره کېږي، چې د یادو نیالګیو اوبو کولو لپاره ځانګړی سیستم لري او په منظم ډول سره به اوبه کړای شي، چې ورسره به د پوهنتون چاپېریال ښکلی او هوا به یې پاکه شي.
نشراتو او عامه اړیکو آمريت
