د کیفيت لوړونې په برخه کې دوه ورځنی ورکشاپ پای ته ورسېد.
د ۱۴۰۳ هـ.ش کال د تلې میاشتې ۱۰مه، چې د ۱۴۴۶ هـ.ق کال د ربیع الاول مياشتې له ۲۸مې نېټې سره برابره وه، د کیفيت لوړونې آمریت له لوري د مسلکي پرمختيا مرکز په همکارۍ، د اعتبار ورکؤنې سند د خوندیتوب په موخه د پوهنځیو، فرعي کمېټو او څانګو اړوند چکلیست، د ترتیب شویو پلانونو د تطبیق، راپور ورکؤنې او هم د شواهدو راټولولو په تړاو د عامه پوهاوي دوه ورځنی ورکشاپ پای ته ورسېد.
د ورکشاپ د پای په مراسمو کې د شيخ زايد پوهنتون علمي چارو مرستيال پوهنيار نورالله حسین خېل د ورکشاپ ګډونوالو ته په خپلو خبرو کې وويل:((پوهنتون د علم توليد مرکز دی، استادان باید خپل تحقیقي فعالیتونه زيات کړي، د تضمين کیفيت پروسې واقعي تطبيق ته بايد کار وشي، را سپارل شوي مسؤلیتونه په رښتیني ډول سرته ورسوو او د شخصي ګټو لپاره ترې استفاده و نه کړو.))
ياد ورکشاپ د کیفیت لوړونې آمر پوهنوال حسام الدین رحیم زي له لوري وړاندې شو، چې پکې مهم موضوعات تر بحث لاندې ونيول شول.
نشراتو او عامه اړیکو آمريت
