شیخ زاید پوهنتون کادري روغتون د وارداتي برېښنا سره ونښلول شو
نن ورځ د ۱۳۹۹ ل.ل کال د لیندۍ میاشتې ۱۹مه نیټه، د خوست ولایت محترم والي تورن جنرال مهمند کټوازي چې، جنرال محمد داود امین او نورو جګپوړو چارواکو یې ملتیا کوله، کادري روغتون د وارداتي برېښنا سره د نښلولو پرانسته وکړه.
د شیخ زاید پوهنتون رئیس حسین ګل اریوبي میلمنو ته د ښه راغلاست تر څنګ له والي صاحب څخه ځانګړي مننه وکړه، چې دده په هڅواو قاطع امر سره د شیخ زاید پوهنتون کادري روغتون نن عملآ د برېښنا څخه برخمن کیږي.
ښاغلي اریوبي د پوهنتون لپاره د یوه بل ځانګړي ترانسپرمر غوښتنه هم وکړه، چې پدې سره به د پوهنتون انکشاف د پنځه کالن ستراتیژیک پلان مطابق ستونزې حل شي.
ښاغلي کټوازي په خبرو کې د پوهنتون د اړتیاوو د پوره کولو ژمنه وکړه او ویې وویل، چې پوهنتون علمي مرکز دی، او ضرورتونه یې د خپلې دندې په اولیتونو کې حسابوي. نوموړي د پوهنتون رهبرۍ ته سپارښتنه وکړه چې د پوهنتون د شنه کولو، پارکونو جوړولو او چاپېره غونډیو کې د نیالګیو کېنولو لپاره پلان جوړ او له ده سره یې شریک کړي
