د شیخ زايد پوهنتون د تایید شوي ستراتيژيک پلان په اړه یو ورځنی کنفرانس تر سره شو.
نن یکشنبه د ۱۴۰۳هـ.ش کال سلواغې میاشتې اوومه، چې د ۱۴۴۶هـ.ق کال د رجب المرجب مياشتې له ۲۵مې نیټې سره سمون لري، د شیخ زايد پوهنتون د تایيد شوي ستراتیژيک پلان د خبراوي په موخه یو ورځنی کنفرانس تر سره شو، په ياد کنفرانس کې د شيخ زايد پوهنتون رئيس شیخ الحدیث مولوي محمد نسیم حقاني، د پوهنتون مرستيالانو، پوهنځیو رئیسانو، څانګو آمرینو او اداري کارکونکو ګډون کړی و.
کنفرانس د قرآن الکریم د څو مبارکو آیتونو په تلاوت سره پیل شو، په پرانیستونکي وینا کې د شيخ زايد پوهنتون علمي چارو مرستیال پوهنیار نورالله حسین خېل په خپلو خبرو کې ټینګار وکړ، چې ټول علمي او اداري کارکوونکي دې په په خپلو راتلونکو کاري پلانونو کې د یاد ستراتيژک پلان اهداف او موخې په نظر کې ونیسي.
یاد کنفرانس د شيخ زايد پوهنتون ژورنالېزم او عامه اړیکو پوهنځي د عامه اړیکو څانګې آمر پوهنيار هارون برهان لخوا وړاندې شو، چې د پوښتنو ځوابولو وروسته د دعاء په ویلو سره پای ته ورسېد.
نشراتو او عامه اړیکو آمريت
