د پوهنتون له اداري کارکوونکو سره د امـ.ـربالمعروف قانون د لا پلي کیدو په اړه ناستې ترسره شوې.
نن پنجشنبه د ۱۴۰۴ هـ.ش کال د سنبلې مياشتې ۶مه، چې د ۱۴۴۷ هـ.ق کال د ربیع الأول مياشتې له څلورمې نيټې سره سمون لري، د شيخ زايد پوهنتون رئيس لخوا د امـ.ـربالمعروف قانون د لا تطبيق په موخه د پوهنتون او تدریسي روغتون اداري او خدماتي کارکوونکو سره ناستې تر سره شوې.
په دغو ناستو کې د پوهنتون رئيس شيخ الحدیث مولوي محمد نسيم حـ.ـقـانـ.ـي سربېره، محصلانو، علمي څېړنو، مالي او اداري چارو مرستيالانو هم برخه لرله، چې ګډونوالو ته پکې د امـ.ـربالمعروف قانون د تطبيق، صورت او سيرت، په چارو کې همغږي، غوره اخلاقو، د مراجعينو سره ښه سلوک او د کارونو په خپل وخت تر سره کولو په اړه هدايات او سپارښتنې وشوې، چې د ګډونوالو لخوا یې د تطبيق په اړه ډاډ ورکړل شو.
د يادولو ده چې د امـ.ـربالمعروف قانون د تطبيق په اړه د پوهنتون استادانو، محصلانو، اداري او خدماتي کارکوونکو لپاره بېلا بېلې برنامې تر سره شوي او لا هم دوام لري.
نشراتو او عامه اړیکو آمريت
