د تدریسي روغتون خالي مسلکي بستونو له نوماندانو څخه ازموینه واخيستل شوه.
د ازموینې لپاره په رابلل شویو مراسمو کې د شيخ زايد پوهنتون رئيس شيخ الحدیث مولوي محمد نسيم حـ.ـقانـ.ـي، مرستیالانو، د طب پوهنځي استادانو، د ولایت مقام کارکوونکو چارو رياست، د اداري اصلاحاتو او ملکي خدمتونو آمريت نماينده ګانو د پوهنتون مالي او اداري چارو معاونیت اړوند د کارکوونکو چارو آمريت مسؤلینو برخه لرله.
د ازموينې ګډونوالو ته د علمي چارو مرستيال پوهنمل نورالله حسين خېل له خوا د ازموینې په اړه معلومات او د بشپړ شفافيت ډاډ ورکړل شو.
د يادو خالي بستونو لپاره چې د اعصابو جراحي، عقلي عصبي جراحي او داخله (ام ډي) ډاکټران پکې شامل دي، شاوخوا (۴۵) کسانو ځانونه نوماندان کړي و، چې د ازموینې وروسته به هغه کسان چې لوړې نمرې تر لاسه کړي د يادو بستونو لپاره وګمارل شي.
نېټه: یکشنبه
۱۴۴۷ هـ.ق کال د ذوالقعدة الحرام ۱۶مه
۱۴۰۵ هـ.ش کال د ثور ۱۳مه
۲۰۲۶ م کال مې د درېیمه
نشراتو او عامه اړیکو آمريت
