د شیخ زاید پوهنتون حقوقو پوهنځي محصلینو له خوا تمثیلي محکمه تر سره شوه.
نن ورځ د ۱۴۰۱ ل.ل کال د عقرب مياشتې ۱۶ نیټه چې د ۱۴۴۴ هـ.ق کال د ربیع الثاني مياشتې له ۱۲ نيټې سره برابره ده، شیخ زاید پوهنتون د امام ابو حنیفه رح په تالار کې د حقوقو او سياسي علومو پوهنځي محصلینو له خوا تمثیلي محکمه تر سره شوه.
د تمثیلي محکمې مراسم د قاري صاحب محمد زاهد صبور له خوا د قران عظیم الشان څو مبارکو اياتونو په تلاوت سره پیل شول.
د حقوقو او سیاسي علومو پوهنځي رئیس پوهندوی محمد شفیق مندوزي لخوا د محکمې ټولو ګډونوالو ته د ښه راغلاست ویلو تر څنګ زياته کړه، چې د بشریت فطري او بنسټیزه غوښتنه دا ده، چې په سالمه او د جرایمو څخه په پاکه ټولنه کې ژوند وکړي؛ چې دا ډول ټولنې ته مونږ هغه وخت رسېدلی شو، چې په عدل او انصاف ولاړې محکمې ولرو.
د اداري چارو مرستيال مولوي محمد شفیق رشاد په ټولنه کې د محکمې په رول او اهميت مفصلې خبرې وکړې، ورپسې د محصلانو
چارو مرستيال پوهنيار مجاهد همتيار خبرې وکړې او محصلینو ته یې ډاد ورکړ، چې په راتلونکي کې به د محصلینو لپاره په هره برخه کې هر اړخیز پروګرامونه په پام کې لري، ترڅو د نظري زده کړو ترڅنګ د دوی عملي وړتیا هم زياته شي.
د مراسمو په درېیمه برخه کې د حقوقو او سياسي علومو پوهنځي محصلینو لخوا ترتیب شوې تمثیلي محکمه ترسره شوه، چې د ګډونوالو لخوا مثبته وارزول شوه.
د حقوقو او سیاسي علومو پوهنځي استاد پوهنمل پاڅون مياخېل د محکمې په جزياتو باندې لنډه رڼا واچوله او ځینې نیمګړتياوې يې ګډونوالو ته په نښه کړې، چې وخت ته اړتيا لري او په دې لنډه محکمه کې نشي خلاصه کيدای.
مراسم د خوست ولایت امر بالمع روف او نهي عن الم نکر ریاست مرستيال لخوا د دعایې په ویلو سره پای ته ورسیدل.
نشراتو، اطلاعاتو او عامه اړیکو آمريت
