د اختصاصي، شپې او دیني مدارسو متفرقه(معذرتي) آزموینې خبرتیا!
ټولو هغو کسانو ته چې د تېرې پنجشنبې ورځې(مرغومي۲۲) د اختصاصي، شپې پوهنځیو او دیني مدارسو په آزموینه کې چې په کابل او ولایاتو کې واخیستل شوه، د واورو د ورښت، لارې بندېدو او بېلا بېلو دلایلو له امله غیر حاضر شوي دي او همدارنګه هغه علماء کرام چې د علمي سویې تثبیت په آزموینه کې په عالیه او خامسه درجو بریالي شوي او تر اوسه یې پورته آزموینو ته نوم لیکنه نه ده کړې او غواړي په دغه معذرتي آزموینه کې ګډون وکړي، کولی شي د ۱۴۰۱ مرغومي ۲۶ دوشنبه ماښام ۵:۰۰ بجو پورې په لاندې لینکونو کې خپل نومونه ثبت کړي، د آزموینې وخت به وروسته اعلان شي.
۱ – د دیني مدارسو ښوونځیو او انسټیټونو(څوارلسم) فارغانو د نوم لیکنې لینک چې په مخکې آزموینه کې غیر حاضر شوي: https://forms.gle/hQjPfYMfWFzGSPFd9
۲ – په خامسه او عالیه درجو د علمي سویې د تثبیت آزموینې کامیاب علماء کرامو د نوم لیکنې لینک: https://forms.gle/VpoUb2MTfQKMKA5x6
یادونه: آنلاین نوم لیکنه د هغو کسانو لپاره ده چې د تېرې آزموینې(اختصاصي، شپې، دیني مدارسو او علمي سویې د تثبیت) کانکور آی ډي لري.
هغه کسان چې د تېرې پنجشنبې ورځې(اختصاصي، شپې او دیني مدارسو) آزموینې ته یې نوم لیکنه نه وه کړې یعنې کانکور ای ډي نه لري او غواړي آزموینه ورکړي، کولی شي د آزموینو ملي ادارې څخه له یکشنبې مرغومي۲۵ سهار له ۸:۰۰ بجو نوم لیکنې فورم ترلاسه او له طی مراحل وروسته یې د مرغومي ۲۶ دوشنبه ماښام ۵:۰۰ بجو پورې بېرته آزموینو ملي ادارې ته وسپاري.
یادونه: د اختصاصي، شپې، دیني مدارسو او علمي سویې د تثبیت آزموینې ګډونوال چې د خپلې تېرې آزموینې د کانکور ای ډي نمبر یې له یاده وتلی وي، کولی شي په دغه لینک کې خپل ای ډي نمبر ترلاسه کړي: https://nexa.gov.af/fa/list-of-candidates
د متفرقه(معذرتي) آزموینې حق الشمول ۴۰۰ افغانۍ دي او د کارتونو ترلاسه کولو پر وخت آزموینو ملي ادارې مسؤلینو له لوري اخیستل کیږي.
محصلانو چارو معاونیت
