د شيخ زايد پوهنتون علمي شورا ناسته تر سره شوه.
نن دوشنبه د ۱۴۰۴ هـ.ش کال د سنبلې مياشتې درېیمه، چې د ۱۴۴۷ هـ.ق کال د ربیع الأول مياشتې له لومړۍ نيټې سره سمون لري، د شيخ زايد پوهنتون رئيس شيخ الحدیث مولوي محمد نسيم حـ.ـقـ.ـاني په مشرۍ د علمي شورا ناسته تر سره شوه، چې پکې د ستراتيژیک پلان له تطبيق څخه د درې کسيز هیئت راپور، د تېرې علمي شورا د پرېکړو ګزارش، د دوولسو پوهنځيو کاري پلانونو اړوند سمستروار ګزارشونو، د انجینري پوهنځي اړوند علمي برنامو د ایجاد معيارونو طی مراحلو، د بهاري سمستر د نهایي ازموینو ګزارش او د يو شمېر استادانو په علمي ترفېعاتو باندې بحث تر سره او لازمې پرېکړې تر سره شوې.
نشراتو او عامه اړیکو آمريت
