د شيخ زايد پوهنتون علمي شورا نوبتي غونډه تر سره شوه.
چهارشنبه د ۱۴۰۴ هـ.ش کال د قوس مياشتې ۱۲مه، چې د ۱۴۴۷ هـ.ق کال د جمادی الآخرة مياشتې له ۱۲مې نيټې سره سمون لري، د شيخ زايد پوهنتون علمي شورا نوبتي ناسته د پوهنتون رئيس شيخ الحدیث مولوي محمد نسيم حـ.ـقـ.ـاني تر مشرۍ لاندې تر سره شوه.
د پوهنتون رئيس شيخ الحدیث مولوي محمد نسيم حـ.ـقـ.ـاني له پیلیزې وینا وروسته، د تېرې علمي شورا پرېکړو د تطبیق ګزارش، د آنلاین کورسونو پر ثبت، د ستراتيژیک پلان له تطبيق څخه د سمستروار ګزارش لپاره د درې کسيز هیئت ټاکل، د طب پوهنځي د نویو څانګو ایجاد او د هغو لپاره د ترتيب شویو طرحو تاييدي، د انجینري، کمپيوټر ساينس او کرنې پوهنځیو د (سټرکچر انجينري، سايبري آمنيت او د غذایي موادو صنعت) په برخو کې د ماسټري برنامو ایجاد لپاره د ترتيب شويو ترحو تاييد، د پالیسي سازو څېړنو کنفرانسونو کې د استادانو ګډون، د ځینو نړۍوالو طبي ادارو سره د شيخ زايد پوهنتون وصلولو، د یو شمېر استادانو د ترفېعاتو د دوسیو، انفکاک او د محصلانو ځینو ستونزو په اړه بحث تر سره او په اړه یې لازمې پرېکړې تر سره شوې.
نشراتو او عامه اړیکو آمريت
