شیخ زاید پوهنتون کې حقوقي کلینیک د عامه خدماتو په وړاندې کولو پیل وکړ
نن شنبې ورځ ( ۹/حمل/۱۴۰۰ ) د شرعیاتو او حقوقو پوهنځیو محصلانو د عملي روزنې لپاره حقوقي کلینیک د خپلو فعالیتونو سربیره د عامه خدماتو په وړاندې کولو هم پیل وکړ. یاد حقوقي کلینیک کې به د محصلانو روزنې تر څنګ ، په حقوقي قضایاو کې ولس ته عامه پوهاوی او اړمنو خلکو لپاره وړیا حقوقي خدمتونه وړاندې شي.
دا خدمتونه د مجربو او جواز لرونکو مدافع وکیلانو له لوري پر مخ وړل کیږي ، چې کادري ، اداري او په عموم کې ټول هیوادوال کولای شي له یادو خدمتونو څخه د برخمن کیدو په موخه یاد حقوقي کلینیک ته ، چې د شرعیاتو پوهنځي په درېیم پوړ کې موقیعت لري، مراجعه وکړي.
د یادونې وړ ده چې د شیخ زاید پوهنتون رهبري د خپل اکادمیک فعالیت ترڅنګ د اړمنو خلکو د هوساینې لپاره هم کار کوي.
