محصلانو ته د کرونا واکسین د تطبیق په موخه شیخ زاید پوهنتون د عامې روغتیا ریاست او خصوصي پوهنتونونو نمائینده ګانوسره ناسته وکړه

نن شنبې ورځ ( ۹/اسد/۱۴۰۰) د شیخ زاید پوهنتون ریاست مقام کې د علمي چارو مرستیال پوهندوی شفیع ګل شفیقي تر مشرۍ لاندې محصلانو ته د واکسین تطبیق په موخه د خصوصي پوهنتونونو او عامې روغتیا ریاست نماینده ګانو سره د ښې همغږۍ يه موخه ناسته وشوه.

یاده ناسته کې د شیخ زاید پوهنتون محصلانو چارو مرستیال استاد محمد داود بابکرخېل ، مالي او اداري چارو مرستیال فیض الله فیض ، په خوست کې مېشت د خصوصي لوړو زده کړو مؤسسو ( احمدشاه ابدالي لوړو زده کړو مؤسسه ، طلوع افتاب لوړو زده کړو مؤسسه، دعوت د لوړو زده کړو مؤسسه او پامیر لوړو زده کړو مؤسسه) او د عامې روغتیا ریاست اړوند OHPM نماینده ګانو برخه درلوده.

د ناستې ګډونوالو خپل منځ کې پر ذکر شوي موضوع د نظریاتو له تبادلې وروسته پریکړه وکړه ، چې سبا یکشنبې ورځ (۱۰/اسد/۱۴۰۰) به د شیخ زاید پوهنتون کادري روغتون کې ټولو دولتي او خصوصي پوهنتونو محصلانو ته واکسین د سهار له 9:00 بجو څخه تر مازیګر 3:00 بجو پوري تطبیقیږي، دا پروسه به تر هغه وخت پوري دوام وکړي ترڅو ټول محصلان د کرونا پر وړاندې واکسین شي.

یادونه : هر محصل باید د خپل پوهنتون محصلی کارت ولري. بغیر له کارته محصل ته واکسین نه تطبیقیږي