شیخ زاید پوهنتون تدریسي روغتون کې هره ورځ یوسل او پنځوس ناروغان تداوي کېږي
د شیخ زاید پوهنتون تدریسي روغتون چې څه موده وړاندې یې د پوهنتون د رهبرۍ په هلوځلو سره په فعالیت پیل کړی، چې تر دې دمه یې هیوادوالو ته په صحي برخه کې د پام وړ خدمات وړاندې کړي دي، دا په داسي حال کې ده چې د ا.ا.ا څخه د مخه یاد روغتون چارې په ټپه دریدلي وې، چې خوشبختانه د ا.ا.ا په راتګ سره یې ټول فعالیتونه په سم ډول تنظیم شول او په ياد روغتون کې شته امکانات په کار واچول شول، چې هره ورځ پکې تر ۱۵۰ پوري ناروغان تداوي کیږي.
د یاد روغتون د فعالیت له پیل څخه تردې دمه ۱۳ زره ۴ سوه ۸۰ ناروغان تداوي شوي ، ۱۵ سوه ۲۹ناروغان بستر، یوسل او لس ولادتونه او ۵۰ ناروغان عملیات شوي دي.
د یادونې وړ ده، چې شیخ زاید پوهنتون رهبري کلک هوډ لري، چې د یاد روغتون له لارې په صحي برخه کې د هیواد ځورېدلو بچیانو لپاره نه ستړي کیدونکي خدمات ترسره کړي.
د نشراتو، اطلاعاتو او عامه اړیکو امریت
