شيخ زاید پوهنتون کې د عربي ژبې له بریالیو نوماندانو څخه د اسلامي ثقافت تحریري ازموینه واخیستل شوه.
نن ورځ د ۱۴۴۴ هـ ق کال د صفرالمظفر د مياشتې ۱۷مه، چې د ۱۴۰۱ ل .ل کال د وږي مياشتې ۲۲ نېټې سره برابره ده، شیخ زاید پوهنتون کې د اسلامي ثقافت له هغو نوماندانو څخه چې د عربي ژبې په ازموینه کې بريالي اعلان شوي وو، تحریري ازموینه واخېستل شوه.
یاده ازموینه چې د لوړو زده کړو وزارت علمي معین ښاغلي دوکتور لطف الله خیرخواه او د یاد وزارت د کادري د ازموینو مسؤل مفتي محمد سعید په حضور کې واخېستل شوه، چې د شیخ زاید پوهنتون رئیس ښاغلي انجینر همایون معاویه ترڅنګ د شخ زاید پوهنتون مرستیالانو، د پوهنتون د کادري ازموینې کميټې استادانو او ژورنالستانو ګډون درلود.
په سرکې د قرآن عظیم الشان څو مبارک ایاتونه تلاوت شول، ورپسې د شیخ زاید پوهنتون علمي مرستيال ښاغلي پوهنمل عبدالطیف رحیمي د ازموینې طرزالعمل په لنډ ډول تشریح کړ او زياته یې کړه، چې ازموینه به د لوړو زده کړو وزارت د ازموینو د طرزالعمل مطابق جریان مومي.
یاده ازموینه په ارامه او ازاده فضاء کې د لوړو زده کړو وزارت او د شیخ زاید پوهنتون د رهبرۍ لاندې د رسنیو په حضور کې په پوره شفاف ډول واخېستل شوه.
د یادولو وړ ده چې، یادې ازموینې ته ۱۲۳ علمأء کرامو ثبت نام کړی و، چې په شرایطو برابر ۹۸ کسانو څخه تېره ورځ د عربي ژبې ازموینه اخیستل شوي وه، چې نن ورځ بیا هم د ۷۲ بريالیو کسانو څخه تحریري ازموینه واخیستل شوه.
پاتې د نه وي چې د نننۍ ازموینې د بریالیو کسانو څخه به د پنج شنبې په ورځ تقریري ازموینه اخیستل کیږي.
د اـ اـ ا تل په دې هڅو کې ده، چې د یوې روښانه او شفافې پروسې په ترڅ کې ۲۳ علمأکرام د یادو بستونو لپاره مقرر کړي.
د نشراتو،اطلاعاتو او عامه اړیکو امریت
دلته د شیخ زاید پوهنتون فسبوک پاڼې ته تللی شۍ!
