د شیخ زاید پوهنتون علمي مجلې بورډ نوبتي ناسته تر سره شوه.
د شيخ زايد پوهنتون علمي مجلې بورډ نوبتي ناسته د علمي څېړنو مرستيال پوهنمل دوکتور احمد جاويد شکيب تر مشرۍ لاندې تر سره شوه، چې د علمي څېړنو مرستيال سربېره لوړ رتبه استادانو هم پکې ګډون کړی و.
د قرآن کريم څو مبارکو آیتونو له تلاوت وروسته، ښاغلي شکيب پرانېستونکې وينا وکړه او د چارو ښه تنظیم او د ستونزو حل په هکله ډاډ یې څرګند کړ.
د علمي مجلې آمر پوهندوی دوکتور سبحان الله شهاب د مجلې لپاره د راټولو شویو مقالو اړوند معلومات ورکړل شول.
استادانو له لوري څلوردېرشمې ګڼې د چاپ لپاره راټولې شوې مقالې وکتل شوې او د سمون لپاره یې لازمې لارښوونې وړاندې شوې، چې د مقالو له چاپ وړاندې به په پام کې ونيول شي.
