شیخ زايد پوهنتون کې د لوړو زده کړو وزارت د تضمین کیفیت او اعتبار ورکولو ریاست مسلکي کتونکو لخوا ارزونه پیل شوه.
نن ورځ یکشنبه د ۱۴۰۲ هـ. ش کال د سلواغې مياشتې۲۹مه، چې د ۱۴۴۵ هـ.ق کال د شعبان المعظم مياشتې له ۷مې نيتې سره برابره ده، د شیخ زايد پوهنتون د اعتبار ورکولو د سند خوندیتوب ارزونه د پوهنوال غلام سخي حسني په مشرۍ د لوړو زده کړو وزارت د ټاکل شوي هيئت لخوا پیل شوه.
ناسته د قرآن کریم څو مبارکو آیتونو په تلاوت سره پیل شوه، یاده ناسته چې په همدې موخه د شیخ زايد پوهنتون مسلکي پراختيا مرکز کې کې رابلل شوې وه، د شیخ زايد پوهنتون محصلانو چارو مرستیال پوهنيار مجاهد همت يار راغلي پلاوي ته د ښه راغلاست ترڅنګ د هر ډول همکارۍ ډاډ ورکړ.
د راغلي پلاوي مشر پوهنوال غلام سخي حسني هیله وکړه، چې یاده ارزونه په بریالیتوب سره پای ته ورسیږي.
په پای کې د شیخ زاید پوهنتون د کیفیت لوړونې آمریت آمر پوهندوی حسام الدين رحیمزي د شیخ زايد پوهنتون په اړه برابر شوي معلومات وړاندې کړل.
نشراتو او عامه اړیکو آمریت
