د محصلانو چارو مرستیال

د محصلانو چارو مرستیال:

محمد داود بابکر خیل

پوهنيار محمد داود بابکرخیل

ګرځنده شماره: 0093771828010

بریښنالیکstudent.vc@szu.edu.afDawood.csf@gmail.

د شیخ زاید پوهنتون د محصلانو چارو مرستیال پیغام

درنو محصلانود لوی او متعال څښتن څخه ډېر شکر ګذار یم چې د خپل ګران هېواد د ځوان قشر د پوهې او روزنې په چوپړ کې یم او لوی څښتن راباندې د دې سپیلي خدمت لورینه کړې.

د شیخ زاید پوهنتون  محصلانو چارو معاونیت دې ته ژمن دی چې د ځوان قشر علمي پرمختګ او په ترڅ کې د یوې سالمې او روښانه علمي فضا په منځ ته راوړلو کې خپلې ټولې هڅې په کار واچوي او د هېواد ټولو محصلانو هرې ستونزې ته پروخت ځواب ووایي. د شیخ زاید پوهنتون  محصلانو چارو معاونیت به ټولې هغه علمي او اداري طرحې او پروګرامونه چې د لوړو زده کړو وزارت او د پوهنتون د رهبرۍ لخوا په واک کې ورکول کېږي، د ټاکلي پلان سره سم عملي کوي، د دې ترڅنګ به زمونږ هڅه دا وي چې د پوهنتون له رهبرۍ او د لوړو زده کړو وزات په تعاون پردې وتوانېږو، چې د خپلو ګرانو محصلانو لپاره په داخل او خارج کې زده کړییز لنډ سکالرشیفونه او روزنیز ورکشاپونه پیدا کړو او دوی ته د موډرنو او معیاري زده کړو زمینه برابره کړو، ترڅو د خپل هېواد د سمسورتیا او رغونې لپاره نوې ثمره په لاس راشي، زمونږ به تل دا هڅه وي، چې د هېواد ځوان محصلان په اسلامي او وطني روحیه سمبال کړو او د دوی ترمنځ د هرډول بې تفاوتۍ او بې انصافۍ مخه په پوره توان سره ډب کړو؛ له سمتي، ژبني، قومي او سیاسي  اختلافاتو څخه یې لرې وساتو.

په اخر کې له خپلو درنو محصلانو غونښتنه کوم چې د وخت ضایع ته پام وکړي او ټوله توجه خپلو درسونو ته واړوي، مطالعه وکړي، د کنجکاوۍ او څېړنې حس په ځان کې پیاوړی کړي او د ټولو شته فرصتونو نه سالمه ګټه پورته کړي، د دې ټولو هڅو پایله به انشاءالله داوي چې په راتلونکې به د یو باثباته هېواد او  ټولنې شاهدان یو.

===================

د شیخ زاید پوهنتون د محصلانو چارو معاونیت لرلید، ماموریت، موخې او ارزښتونه:

۱) لرلید  Vision

 د محصلانو چارو معاونیت د شیخ زاید پوهنتون رهبري، ادارې  او اکاډمیکو څانګو سره په ګډه کار کوي ترڅو د هیواد او نړۍ لپاره  مسلکي، تخصصي او په کار پوه بشري ځواک وروزی او د ټولنې د پراختیا او هوساینې لپاره غوره او باکیفیته خدامات وړاندې کړي.

۲) ماموریت  Mission

په اسلامي او ملي روحیه  د هیواد  د ځوان کهول  روزنه ، د محصلانو د ظرفیت لوړوني پروګرامونو پلانول، د محصلینو لپاره په مارکیټ کې د مناسب کار پیداکول، د زده کړو د معیاري کیدو لپاره هڅې کول.

په عمومي ډول:

  • د مومن، متخصص او رښتني وطن دوسته بشري ځوان روزنه
  • د موثرو او اغیېزناکو خداماتو وړاندې کول
  • په خپل وخت او پرته له ځند د فارغو محصلینو اسناد پروسس او له وزارت څخه طۍ مراحل کول
  • د محصلینو لپاره د لیلی او بدل اعاشې خدامات پرمخ بیول
  • د محصلینو د نظم او ډسپلین څار او کنترول
  • د محصلینو د سپورټی خداماتو پلان او ترتیب
  • د محصلینو لپاره دسیمنارونو، علمي کنفرانسونو او ورکشاپونو دایرول
  • د هیواد او نړۍ په کچه محصلینو ته د سکالرشیفونو برابرول

۳ )- ارزښتونه(Values)

  1. د اسلامي ارزښتونو ساتل او هغې ته پوره احترام
  2. د وطن دوستۍ او ولس ته د خدمت قوي روحیه ورکول
  3. د زده کړو کیفیت او معیاری کول
  4. نوښتونه او خلاقیت
  5. په چارو کی موثریت او اغیزمنتوب
  6. اړونده چاری په  سالم ډول مدیریت کول
  7. په چارو کې رڼا والی او د فساد په  مقابل کې مبارزه کول

۴) موخې  Goals

  • دزده کړو معیاری کول او کیفیت لوړول
  • دظرفیت لوړونی برنامو پراختیا
  • دمحصلانو لپاره دسالم چاپیریال ایجاد
  • د محصلینو لپاره  د خارجي هیوادو سره  دسکالرشیفونو او انټرشیف اړوند تفاهم نامی امضا کول
  • دتحصلي اسنادو څاراو کنترول
  • دالکترونیکی ډیټابسونو را منځ ته کول او دفساد په مقابل کی دومداره مبارزه
  • دمحصلینو په داسې ډول روزل ترڅو دمارکیټ غوښتنو ته ځواب ووایی
  • د اداری انکشاپ او پراختیا

د شیخ زاید پوهنتون دمحصلانو چارو معاونیت لرلید، ماموریت، موخې او ارزښتونه د  (   ۳  ) پروتوکول  او ( ۱۳۹۹/۶/۱۳  ) نیټې  علمي شورا له خوا تائید دی.