د شيخ زايد پوهنتون او وردګ لوړو زده کړو مؤسسې تر منځ په علمي او اداري برخو کې د همکاریو هوکړه ليک لاسليک شو.

د ياد هوکړه لیک د لاسلیک کيدو په موخه رابل شوې ناسته کې د شيخ زايد پوهنتون رئیس شيخ الحدیث مسلمين راشد، د وردګ لوړو زده کړو مؤسسې رئیس شيخ مولوي صفت الله، د شيخ زايد پوهنتون مرستیالانو او د دواړو پوهنتونونو استادانو حضور درلود.

د دې تړون له مخې به دواړه نهادونه په علمي، څېړنيزو، اداري، تخصصي سيمينارونو، د تجروبو او معلوماتو شریکولو، د استادانو، کارمندانو او محصلانو لپاره د علمي سفرونو برابرولو، له یو بل اسانتياوو او امکاناتو کارولو، په علمي ژورنالونو کې د يو بل مقالو خپرولو او ظرفيت لوړونې په برخو کې له يو بل سره همکاري کوي.

نشراتو او عامه اړیکو آمريت