شیخ زاید پوهنتون کې د والیبال سیالیو پای لوبه تر سره شوه.
د استقلال تر نامه لاندې د والیبال سیالۍ شیخ زاید پوهنتون کې د دوولسو پوهنځیو لوبډلو تر منځ پیل شوې وې، پای لوبه د ښونې او روزنې او د وترنري پوهنځيو لوبډلو ترمنځ تر سره شوه، چې دوه د یو په مقابل کې د ښوونې او روزنې پوهنځي په ګټه تمامه شوه.
د یادې لوبلړۍ د پای په مراسمو کې د شیخ زاید پوهنتون علمي مرستيال او سرپرست سید اسماعیل روحاني، د محصلانو چارو مرستیال پوهنيار مجاهد همتیار، د پوهنځیو رئیسانو، استادانو، اداري کارکونکو او محصلانو ګډون کړی و.
د شیخ زاید پوهنتون اداره د محصلانو په علمي ډګر کې د روزنې ترڅنګ د هغوی رواني او بدني روزنې لپاره هم کار کوي او د مختلفو ورزشي لوبو، لکه: والیبال، فوټبال، کريکټ او باسکټبال په لاره اچولو له لارې د هغوی د سالمې روغتیا تر څنګ د محصلانو تر منځ په ورزشي ډګر کې د غوره استعدادونو را برسېره کولو ته هم ژمنه ده.
نشراتو او عامه اړیکو آمريت
