د جمهور رییس محمد اشرف غني لخوا د اعمار صلح ترعنوان لاندې هیوادوالو ته کنفرانس وړاندې شو
د هیواد معزز ولسمشر په انلاین بڼه " د لوبې بدلون فرصت او د بهرنیو ځواکونو وتل" تر عنوان لاندې افغانانو ته د پوهاوي سیمینار وړاندې کړ.
نن ورځ پنجشنبې ( ۶/۳/۱۴۰۰) د شیخ زاید پوهنتون ویدیویي کنفرانسونو په صالون کې د پوهنتون رئیس پوهنمل حسین ګل اریوبي په شمول د رهبرۍ غړو، کارکنانو او محصلانو د هیواد ولسمشر جلالتمآب دکتور محمد اشرف غني لخوا «د لوبې بدلون فرصت او د بهرنیو ځواکونو وتل» تر عنوان لاندې ویدیویي سیمینار، چې د لکچر په بڼه ناستو ګډونوالو ته وړاندې شو، برخه واخیسته.
د هیواد ولسمشر پدې سیمینار کې له افغانستان څخه د بهرنیو ځواکونو وتلو وروسته د خطرونو، ګواښونو، ګډوډيو او پر فرصتونو باندې هر اړخیزه رڼا واچوله، چې د عامه اذهانو د روښانتیا لپاره یو ګټور بحث و.
د هیواد دروند ولسمشر ملي ګټو ته په کتو ، وخت پر وخت خپل ولس ته د پوهاوي په موخه سیمینارونه، لکچرونه، لیکنې اوکتابونه وړاندې کړي دي.
