د شیخ زاید او خصوصي پوهنتونونو استادانو او اداري کارکوونکو لپاره درې ورځنی دیني ـ اصلاحي سیمینار پیل شو.
نن چهارشنبه د ۱۴۰۴ هـ.ش کال د مرغومي مياشتې ۲۴مه، چې د ۱۴۴۷ هـ.ق کال د رجب المرجب مياشتې له ۲۴مې نيټې سره سمون لري، د شیخ زاید او خصوصي پوهنتونونو استادانو او اداري کارکوونکو لپاره درې ورځنی دیني ـ اصلاحي سیمینار پیل شو.
د سيمينار د پيل لپاره په رابلل شویو مراسمو کې د شیخ زاید پوهنتون رئیس شیخ الحدیث مولوي محمد نسیم حقـ.ـاني، مرستیالانو، د خوست خصوصي پوهنتونونو مسؤلینو او استادانو ګډون کړی و، د شيخ زايد پوهنتون علمي چارو مرستيال پوهنمل نور الله حسين خېل ټولو ګډونوالو ته د ښه راغلاست تر څنګ د سیمینار په اړه لنډ معلومات وړاندې کړل او زياته یې کړه چې دغه سيمينار د لوړو زده کړو وزارت د هدايت سره سم د شیخ زاید او خصوصي پوهنتونونو استادانو او اداري کارکوونکو لپاره برابر شوی دی.
د يادولو وړ ده چې ياد دیني او اصلاحي سیمينار کې چې درې ورځې به دوام وکړي په مختلفو دیني موضوعاتو باندې به د شیوخو کرامو لخوا سیمينارونه وړاندې شي.
نشراتو او عامه اړیکو آمريت
