افغانستان ته له ایران څخه د کډوالو ګواښ تمثیلي مطبوعاتي کنفرانس وړاندې شو.
نن دوشنبه د ۱۴۰۴ هـ.ش کال د سرطان میاشتې دویمه، چې د ۱۴۴۶ هـ.ق کال د ذوالحجة الحرام میاشتې له ۲۶مې نیټې سره سمون لري، د ژورنالېزم او او عامه اړیکو پوهنځي د عامه اړیکو څانګې درېیم صنف محصلانو د ظرفیت لوړونې په موخه په تمثیلي بڼه مطبوعاتي کنفرانس وړاندې کړ.
یاد کنفرانس (افغانستان ته له ایران څخه د کډوالو ګواښ) تر سرلیک لاندې د محصلانو لخوا په تمثیلي بڼه د کډوالو او بېرته راستنېدونکو چارو وزارت او بهرنیو چارو وزارت په استازوالۍ وړاندې شو.
په ورته مهال کې محصلان دا ډول پروګرامونه مؤثر ارزوي او په دې نظر دي چې دا پروګرامونه نه یوازې دا چې عملي برخه کې محصلان روزي بلکې نظري برخه هم پیاوړي کوي.
د یادونې وړ ده چې د پوهنتون لخوا محصلانو ته د عملي زده کړو او ظرفیت لوړونې په موخه بېلا بېل روزنيز پروګرامونه په لاره اچول کېږي، چې د محصلانو عملي زده کړو لپاره ډېر ګټور ثابت شوي دي.
نشراتو او عامه اړیکو آمریت
