شيخ زاید پوهنتون برق څانګې محصلان په پنځلس ورځيني علمي سفر ننګرهار ولایت ته لاړل.
د شیخ زايد پوهنتون انجینري پوهنځي برق څانګې (۶۷) محصلان د څلورو تنو استادانو په ملتيا، د عملي زده کړو په موخه په پنځلس ورځيني علمي سفر ننګرهار ولایت ته ولیږل شول.
ياد محصلان به په څلورو ګروپونو کې د برق څانګې څلورو تنو استادانو په ملتيا د ننګرهار ولایت د برېښنا څلورو توليدي ساحو (ماهيپر، نغلو، سروبي او درونټې) څخه ليدنه وکړي.
له يادو ليدنو څخه به د برق څانګې محصلان د برېښنا د يادو تولیدي ساحو او برېښنایي مرکزونو څخه هر اړخيز معلومات تر لاسه کړي او د لیدنو او کتنو څخه به په خپلو زده کړه ييزو فعالیتونو کې د پام وړ ګټه پورته کړي.
د يادولو وړ ده چې يادو محصلانو ته د لیلیې او اوسیدلو په برخه کې د ننګرهار پوهنتون همکاري کړې او امکانات یې ورته برابر کړي دي.
نشراتو او عامه اړیکو آمريت
