محصلانو ته د جـرمي صحنې په مورد تمثیل وړاندې شو.

د شیخ زاید پوهنتون شرعیاتو، حقوقو او سیاسي علومو پوهنځیو محصلانو ته د قـــتل جــرمي صحنې په اړه تمثیل وړاندې شو، چې پکې د پوهنتون رئیس شیخ الحدیث مولوي محمد نسیم حــقـاني، مرستیالانو، د خوست امنیه قومندانۍ کــریمنالتخنیک مسؤلینو، استادانو او محصلانو ګډون کړی و.
په دې اړه را بلل شویو مراسمو ته د محصلانو چارو مرستیال مفتي محمد عمـر فضلي وینا وکړه او د یادې برنامې ارزښت تر څنگ یې په راتلونکې کې د محصلانو عملي زده کړو په برخه کې د نورو برنامو د جوړیدو یادونه هم وکړه.
د خوست امنیه قومندانۍ کــریمنالتخنیک مسؤلینو لخوا د جـرمي صحنې پېژندنه، بررسي، د بررسي کوونکي ځانګړتیاوې، بلاستیکي معایناتو پېژندنه او نور اړوند موضوعات په عملي توګه محصلانو ته وښودل شول او په پای کې د محصلانو پوښتنو ته د اړوندو مسؤلینو لخوا ځوابونه ورکړل شول.
ياد تمثيل د محصلانو چارو معاونيت له لوري برابر شوی و او د خوست امنيه قومندانۍ کــریمنالتخنیک مسؤلينو له لوري وړاندې شو.
د ۱۴۴۷ هـ.ق کال ذوالقعدة الحرام ۱۲مه
د ۱۴۰۵ هـ.ش کال د ثور نهمه
د ۲۰۲۶ م کال اپريل ۲۹مه
نشراتو او عامه اړیکو آمريت