د لوړو زده کړو وزارت څخه راغلي هيئت د شيخ زايد پوهنتون له رهبري سره غونډه تر سره کړه.
د لوړو زده کړو وزارت څخه راغلي پلاوي ریاست مقام کې د شیخ زايد پوهنتون له رهبري سره غونډه وکړه.
ياده غونډه کې د شيخ زايد پوهنتون رئيس شیخ الحدیث مولوي محمد نسیم حـ.قـ.انـ.ي، د لوړو زده کړو وزارت د علمي برنامو د انکشاف رئيس انجینر سردار ولي صالحي په مشرۍ راغلي نهه کسیز پلاوي، د پوهنتون مرستيالانو او پوهنځیو رئيسانو ګډون کړی و.
د شيخ زايد پوهنتون رئيس شیخ الحدیث مولوي محمد نسیم حقـ.ـاني راغلي پلاوي ته د ښه راغلاست تر څنګ د هغوی څخه مننه وکړه، چې د شیخ زايد پوهنتون ستونزې اوري او له لوړو مقاماتو سره یې شریکوي، نوموړي په خپلو خبرو کې د لوړو زده کړو وزارت له دایمي همکاریو څخه مننه وکړه.
د شیخ زايد پوهنتون علمي چارو مرستيال پوهنمل نورالله حسین خېل لخوا د پوهنتون لنډ معلومات او لاسته راوړنې وړاندې شوې.
د لوړو زده کړو وزارت څخه د راغلي هئيت مشر انجینر سردار ولي صالحي د لوړو زده کړو وزارت پیغام او غوښتنې وړاندې کړې، نوموړي د علمي برنامو په پراختیا، د محصلانو ستونزو ته رسیده ګي، عملي زده کړو ته زياته توجو، علمي څېړنو، د څېړنو پر بنسټ ولاړې زده کړې، د لوړو زده کړو مدیریتي او معلوماتي سیستم، د محصلانو د حاضرۍ برخې ته زیاته توجو، د پوهنتون د امکاناتو څخه په ښه ډول استفاده، د تدریسي روغتون کارونو او ستونزو ته په وخت توجو وشي او په عموم کې داسې پلانونه په کار واچول شي؛ چې د محصل په ښه روزنه کې ګټور تمام شي، نوموړي په دې برخه کې د لوړو زده کړو وزارت له لوري د هر ډول هماهنګۍ او همکارۍ ډاډ ورکړ.
د غونډې په جريان کې د شيخ زايد پوهنتون مرستیالانو او د پوهنځيو رئيسانو له لوري ځینې ستونزې او مشکلات شریک شول، چې د راغلي پلاوي له لوري یې د حل په موخه د لوړو مقاماتو سره د شریکولو ډاډ ورکړل شو.
نشراتو او عامه اړیکو آمريت
