د شرعياتو پوهنځي له استادانو سره د همغږۍ ناسته تر سره شوه.
نن یکشنبه د ۱۴۰۴ هـ.ش کال د ثور مياشتې ۱۴مه، چې د ۱۴۴۶ هـ.ق کال د ذوالقعدة میاشتې له شپږمې نیټې سره سمون لري، د شيخ زايد پوهنتون رئيس شيخ الحدیث مولوي محمد نسيم حــ.ـقـ.اني، چې د مالي او اداري چارو مرستیال پوهنمل مفتي عزت نور هم شتون درلود، د شرعياتو پوهنځي له استادانو سره د همغږۍ په پار غونډه وکړه.
د قرآن کريم څو مبارکو آیتونو له تلاوت وروسته د شيخ زايد پوهنتون رئيس شیخ الحدیث مولوي محمد نسیم حــ.ـقاني په خپلو خبرو کې وويل، چې مونږ او ستاسو ګمارنه د یو لوی هدف په موخه تر سره شوې ده، د کوم کار لپاره چې مونږ او تاسې استخدام یو؛ نو خپل مسؤلیتونه باید په پوره ژمنتیا او اخلاص تر سره کړو.
د ناستې په بله برخه کې د یاد پوهنځي استادانو ځینې ستونزې او په اړه یې وړاندیزونه واورېدل، چې د پوهنتون رئيس لخوا یې د حل لپاره ژمنه وشوه.
نشراتو او عامه اړیکو آمريت
