د لوړو زده کړو وزارت دعوت او ارشاد رئیس د شیخ زاید پوهنتون له رهبري سره ناسته ترسره کړه.
د لوړو زده کړو وزارت د دعوت او ارشاد رئیس په مشرۍ راغلي پلاوي د شيخ زايد پوهنتون رياست مقام کې چې د پوهنتون رئیس شیخ الحدیث مولوي محمد نسیم حـ.ـقاني، مرستیالانو او د پوهنځیو رئیسانو شتون درلود، غونډه وکړه.
د قرآن کريم څو مبارکو آیتونو له تلاوت وروسته، د لوړو زده کړو وزارت دعوت او ارشاد رئیس شيخ شاکرالله وحدت خبرې وکړې او ویې ویل چې نـ.ـظام په پوره ډول د محصلانو په مسلکي ډول روزنې ته ژمن دی او د محصلانو مسلکي روزنې لپاره بېلا بېلې برنامې لري، نوموړي زياته کړه چې دا زمونږ او ستاسو مسؤليت دی، چې د محصلانو نيکو کارونو ته هڅونه او له منکراتو څخه یې په فزیکي او فکري ډول وژغورو، د پوهنتون رهبري، دعوت او ارشاد آمريت مسؤلین او په خاص ډول د اسلامي ثقافت استادان بايد د محصلانو په فکري ډول ساتنه کې پوره رول ولوبوي.
د شيخ زايد پوهنتون مسؤلینو لخوا راغلي هئيت ته ډاډ ورکړل شو، چې د شيخ زايد پوهنتون د دعوت او ارشاد په برخه کې زیاتې هڅې کړي او په راتلونکي کې به خپلې چارې لا پراخې کړي.
نشراتو او عامه اړیکو آمريت
