اداري فساد ته لنډه کتنه او پر وړاندې یې د حل لارې چارې تر عنوان لاندې ورکشاپ وړاندې شو.
نن سه شنبه د ۱۴۰۴ هـ. ش کال د جوزا مياشتې ۲۷مه، چې د ۱۴۴۶ هـ.ق کال د ذوالحجة الحرام مياشتې له ۲۰مې نيټې سره سمون لري، د شيخ زايد پوهنتون اداري کارکوونکو ته اداري فساد ته لنډه کتنه او پر وړاندې یې د حل لارې چارې تر عنوان لاندې یو ورځنی ورکشاپ وړاندې شو.
په دغه ورکشاپ کې چې شاوخوا څلوېښتو اداري کارکوونکو پکې ګډون درلود، د اداري فساد پېژندنه، لاملونه، د مبارزې مېتودونه او حل لارو باندې معلومات وړاندې شول.
ياد ورکشاپ د مالي او اداري چارو معاونیت اړوند د کارکوونکو چارو او د استادانو مسلکي پرمختيا آمریتونو په ګډه همکارۍ برابر شوی و، چې د حقوقو او سياسي علومو پوهنځي استاد پوهنمل محمد ساقي عادل لخوا وړاندې شو.
نشراتو او عامه اړیکو آمریت
