د علمي برنامو دوره یي بيا کتنې پروسې پېژندنې ورکشاپ وړاندې شو.
نن سه شنبه د ۱۴۰۴ هـ.ش کال د سرطان میاشتې درېیمه، چې د ۱۴۴۶ هـ.ق کال د ذوالحجة الحرام میاشتې له ۲۷مې نیټې سره برابره ده، د شيخ زايد پوهنتون مسلکي پرمختيا مرکز کې د پنځو څانګو (کرنيز اقتصاد، کرنيزې سوداګرۍ، کیمیا، عربي او بریښنا) آمرینو، د اړوندو پوهنځیو رئیسانو او د نصاب فرعي کمېټو مسؤلینو لپاره د علمي برنامو دوره یي بيا کتنې پروسې پېژندنې تر عنوان لاندې یو ورځنی ورکشاپ ورکړل شو.
په دغه ورکشاپ کې د اعتبار اخیستنې جوړښت، د علمي پروګرامونو د بيا کتنې ډولونه، قوي او ضعیفې نقطې یې، د مختلفو معلوماتو را ټولولو سرچینو ارزونه، د څانګو اړوند تضمين کیفيت کمېټو کار او راپور برابرولو، د پروګرامونو دوره یي بيا کتنه (پي پي آر) پېژندنه، د علمي پروګرامونو د بيا کتنې موخې، د پروګرامونو دوره یي بيا کتنې د تطبيق وخت او هدف، د اعتبار ځینې پړاوونه او يو شمېر نورو موضوعاتو باندې معلومات ورکړل شول.
د يادونې وړ ده چې ياد ورکشاپ د شيخ زايد پوهنتون د کیفيت لوړونې آمريت لخوا د مسلکي پرمختيا مرکز سره په همغږۍ برابر شوی و، چې د انجینري پوهنځي رئیس پوهندوی ریدي ګل همدرد لخوا وړاندې شو.
نشراتو او عامه اړیکو آمريت
