د ورزش کمېټې مسؤلینو د پوهنتون له رئيس سره ناسته وکړه.
نن یکشنبه د ۱۴۰۴ هـ.ش کال د ثور مياشتې ۲۱مه، چې د ۱۴۴۶ هـ.ق کال د ذوالقعدة میاشتې له ۱۳مې نیټې سره سمون لري، د محصلانو چارو معاونيت تر چتر لاندې د ورزش کمېټې غړو د پوهنتون له رئيس شيخ الحدیث مولوي محمد نسيم حـ.ـقـانـ.ـي، چې د محصلانو چارو مرستیال پوهنیار مجاهد همت یار هم ګډون دلود، د محصلانو د ورزش برخې د لا پراختيا په اړه غونډه تر سره شوه.
په غونډه کې د ورزش د برخې ځینې ستونزو او پرمختګونو اړوند خبرې وشوې او د ستونزو د حل په موخه ځینې لازمې سپارښتنې او هدايات وشول، چې د ورزش کولو په وخت کې بايد پوره پام کې ونیول شي.
د يادولو ده چې د شيخ زايد پوهنتون محصلانو چارو معاونيت اړوند د ورزش مسؤلین او سپورت کمېټې د محصلانو د ذهني ودې، صحت او درسونو ته د محصلانو د تشويق په موخه بېلا بېلې لوبې ترتیبوي، چې همدا اوس یې د دوولسو پوهنځيو محصلانو تر منځ کرکټ سيالۍ په لاره اچولې دي، چې راتلونکو ورځو کې به یې پای لوبه د کرنې او اقتصاد پوهنځيو تر منځ تر سره شي.
نشراتو او عامه اړیکو آمريت
