د شيخ زايد پوهنتون له لوري پامير خصوصي پوهنتون ته د کتابتون مديريت پرمختللی سیستم ورکړل شو.
د شيخ زايد پوهنتون علمي څېړنو معاونيت اړوند کتابتون آمريت له لوري د پامير خصوصي پوهنتون کتابتون ته د چارو د لا معياري کولو په موخه د ځانګړي همکارۍ له مخې پرلیکه مديریتي سيستم په رسمي ډول ورکړل شو.
ياد سیستم چې په بشپړه توګه د نړیوالې کتابدارۍ له معیارونو او د ډي ډي سي پر اساس ډیزاین شوی دی، چې د کتابونو ثبت، لټون او طبقه بندي په ثانیو کې ترسره کولی شي.
د پامیر خصوصي پوهنتون له لوري د ياد سيستم د ورکړې له امله ستاینه وشوه او دا یې د محصلانو او استادانو لپاره د علمي منابعو په موندلو کې یو لويه اسانتیا وبلله.
نېټه: پنجشنبه
۱۴۴۷ هـ.ق کال د ذوالقعدة الحرام ۲۰مه
۱۴۰۵ هـ.ش کال د ثور ۱۷مه
۲۰۲۶ م کال مې د اوومه
نشراتو او عامه اړیکو آمريت
