شیخ زاید پوهنتون یو ځل بیا د هېواد په کچه علمي (اکاډمیک) اعتبار تر لاسه کړ.

szu_admin
شنبه ۱۴۰۳/۲/۱ - ۱۴:۷
123

د لوړو زده کړو وزارت تضمین کیفیت او اعتبار ورکولو ریاست په ۱۴۰۲ هـ.ش کال کې د هېواد معتبرو پوهنتونونو د بشپړ اکاډمیک اعتبار سند خوندیتوب ارزونه ترسره کړه، چې د هېواد پنځو معتبرو پوهنتونونو خپل اعتبار بیا ځل تر لاسه او خوندي کړ، چې شیخ زاید پوهنتون هم په دې غوره او معتبرو پوهنتونونو کې ځای لري، په همدې اساس د یوې غونډې په ترڅ کې د شیخ زاید پوهنتون اداره د بشپړ علمي اعتبار سند خوندیتوب په پار وستایل شوه.

یاده غونډه د لوړو زده کړو وزارت لخوا د کابل پوهنتون په حضرت امام قتیبه بن سعید رحمه الله تالار کې ترتیب شوې وه، چې د بشپړ اکاډمیک اعتبار سند خوندیتوب او یاد اعتبار اخیستونکي لوړو زده کړو بنسټونه پکې وستایل شول.

د شیخ زاید پوهنتون اداره د دغه ویاړ د بیا ترلاسه کولو په موخه ټولو هېوادوالو او په ځانګړې توګه لوړو زده کړو وزارت او د خپل علمي کور ټولو غړو ته مبارکي وړاندې کوي او هڅه کوي، چې په روان ۱۴۰۳ لمریز کال کې د هېواد په کچه لومړی مقام خپل او د سیمې په کچه د اکاډمیک اعتبار اخیستلو ته لاره پیدا کړي.

نشراتو او عامه اړیکو آمریت

تازه خبرونه

چهارشنبه ۱۴۰۴/۳/۲۸ - ۱۴:۳۳
Background image

د محصلانو چارو مرستيال لخوا محصلانو ته اصلاحي بيان تر سره شو.

د شيخ زايد پوهنتون محصلانو چارو مرستيال مفتي رضوان الله منيب لخوا د پوهنتون په عمومي مسجد کې محصلانو ته اصلاحي بيان وړاندې شو.

چهارشنبه ۱۴۰۴/۳/۲۸ - ۱۲:۰
Background image

کانکور ګډونوالو ته د تحصیلي څانګو په اړه معلومات وړاندې شول.

نن چهارشنبه د ۱۴۰۴ هـ. ش کال د جوزا مياشتې ۲۸مه، چې د ۱۴۴۶ هـ.ق کال د ذوالحجة الحرام مياشتې له ۲۱مې نيټې سره سمون لري، د خوست ولایت ۱۴۰۴هـ.ش کال کانکور ګډونوالو ته د تحصیلي څانګو په اړه. . .

چهارشنبه ۱۴۰۴/۳/۲۸ - ۱۰:۴۴
Background image

اداري شورا ناسته تر سره شوه.

 سه شنبه د ۱۴۰۴ هـ.ش کال د جوزا میاشتې ۲۷مه، چې د ۱۴۴۶ هـ.ق کال د ذوالحجة الحرام میاشتې له ۲۰مې نیټې سره یې سمون درلود، د شيخ زايد پوهنتون اداري شورا ناسته د پوهنتون مالي او اداري چارو. . .

BACK TO NEWS