خوست بایزید لوړو زده کړو خصوصي مؤسسه کې د څېړنې میتودلوژي تر عنوان لاندې دوه ورځنی ورکشاپ وړاندې شو.
خوست بایزید لوړو زده کړو خصوصي مؤسسه کې د یادې مؤسسې او پامیر خصوصي پوهنتون استادانو ته د شیخ زاید پوهنتون له لوري د (څېړنې میتودلوژي) تر عنوان لاندې دوه ورځنی ورکشاپ وړاندې شو.
په نوموړي ورکشاپ کې د څېړنو اړینو مفاهمو پېژندنه، د څېړنې مهم ډولونه، د څېړنې لپاره د غوره موضوع ټاکل، د څېړنې د پروسې پړاوونه، د تحقیقي رسالې د برخو تشخیص او یو شمېر نور موضوعات وړاندې شول.
یاد ورکشاپ د شیخ زاید پوهنتون علمي څېړنو معاونیت په هڅو جوړ او د ژورنالېزم او عامه اړیکو پوهنځي استاد پوهنیار هارون برهان له لوري وړاندې شو.
نشراتو او عامه اړیکو آمریت
