د راډیویي خپرونو د اېډېټر دندې تر عنوان لاندې دوه ورځنی روزنیز ورکشاپ پای ته ورسېد.
نن چهار شنبه د ۱۴۰۴ هـ.ش کال د سنبلې میاشتې ۲۶مه، چې د ۱۴۴۷ هـ.ق کال د ربیع الأول میاشتې له ۲۴مې نیټې سره سمون لري، د شيخ زايد راډیو مسؤلینو لخوا د ژورنالېزم او عامه اړیکو پوهنځي څلورم ټولګي محصلانو ته د ظرفيت لوړونې په موخه (د راډیویي خپرونو د اېډېټر دندې) تر عنوان لاندې دوه ورځنی روزنیز ورکشاپ پای ته ورسېد.
د دوو ورځو په جریان کې په رسنیو کې د راډیویي خپرونو د اېډېټر دندې، د خپرونو متنونو اصلاح کول، راډیویي پروډیوسرانو ته مشورې، خپرونو تنظیمولو ترڅنګ خپرونو پر اوریدلو او نورو مهمو لارو چارو باندې معلومات وړاندې او عملي بحثونه ترسره شول.
د ژورنالېزم او عامه اړیکو پوهنځي مسؤلین وخت نا وخت د ژورنالېزم او عامه اړیکو محصلانو د عملي کار او ظرفيت لوړونې په موخه ورکشاپونه وړاندې کوي دي او دا لړۍ لا هم دوام لري.
نشراتو او عامه اړیکو آمریت
