د شرعياتو او کرنې پوهنځيو فراغت غونډې تر سره شوې.

نن سه شنبه د ۱۴۰۴ هـ.ش کال د چنگاښ میاشتې ۳۱مه، چې د ۱۴۴۷ هـ.ق کال د محرم الحرام میاشتې له ۲۶مې نیټې سره سمون لري، د شيخ زايد پوهنتون د شرعياتو پوهنځي له درېیو څانګو څخه ۵۴ محصلان او د کرنې پوهنځي له شپږو څانګو څخه ۹۰ محصلان فارغ او ټولنې ته د خدمت په موخه وړاندې شول.
په همدې موخه هغه دوه جلا غونډې چې نن ورځ د شيخ زايد پوهنتون امام ابوحنیفه او امام ابویوسف رحمهما اللّٰه تعالیٰ عنهما غونډو تالارونو کې را بلل شوې وې، چې د شيخ زايد پوهنتون رئيس شيخ الحدیث مولوي محمد نسيم حـ.ـقـ.ـانـ.ـي، د خوست جـ.ـهـادي مدرسې د احادیثو استاد شیخ الحدیث افضل حسین حسیني، د پوهنې رئیس مولوي فیض الله حقـ.ـاني، د امربالمعروف، نهي عن المنکر او د شکایتونو اوریدلو رئیس شیخ الحدیث شرف الدین نقره کار، د پوهنتون علمي، محصلانو، مالي او اداري چارو مرستیالانو، علماء کرامو، پوهنځيو رئیسانو، استادانو، فارغو محصلانو او د فارغو شویو محصلانو خپلوانو ګډون کړی و.
غونډو ته ویناوالو په خپلو ویناوو کې د مبارکیو تر څنګ د شرعياتو او کرنې علومو په ارزښت، د مسؤلیت پېژندنه، په ټولنه کې د عدالت پلي کول، د خپلو والدینو او استادانو شکر اداء کول چې شپاړس کاله یې د زده کړو زمينه درته مساعده کړې وه، خپلو زده کړو ته دوام، ښه سلوک، څېړنو او مطالعې کولو په اړه ویناوې او هدایتونه وړاندې وشول.
غونډې فارغو شویو محصلانو ته د تصدیق پانو په ورکولو او د دعاء په ویلو سره پای ته ورسیدې.
نشراتو او عامه اړیکو آمريت