د شرعیاتو پوهنځی څانګې

 

شرعياتو پوهنځي تر دې دمه لاندې درې ديپارټمنټونه لري:

  • د فقه او قانون ديپارتمنټ.
  • اسلامي تعليماتو ديپارټمنټ.
  • سلامي ثقافت ديپارټمنټ

د فقه او قانون څانګې لرليد (Vision) او رسالت (Mission)

الف - رسالت Mission

د فقه او قانون ديپارټمنټ د خپل اکاډميک ماموريت په ترڅ کې هوډ او ژمنتيا لري، چې خپل کړېدلي ملت ته د مسلکي قضايي، حقوقي او عدلي چوپړ په موخه غښتلې کادرونه وړاندې کړي.

 لرليد (Vision)

د فقه او قانون ديپارټمنت هڅه کوي، چې په ټولنه کې د افرادو اسلامي او ملي روحيه پياوړي کړي او له هر ډول نژادي، مذهبي، توکمي، جنسي  او ژبني تبعيض مخه ونيسي، چې په نتېجه کې به د افغانستان په کچه په علمي ډګر کې یوه غښتلې اکاډمیکه اداره رامنځته کړي. د فقه او قانون څانګې ماموريت او ليد لوری د شرعياتو پوهنځی د علمي شورا په (۹) ۴/ ۶/ ۱۳۹۷ ګڼه غونډه کې تاييد شوی دی.

د فقه او قانون څآنګې روزنيزې موخې

د فقه او قانون فارغين به په دې وتوانېږي چې:

۱- د شرعی، فقهي او حقوقي پوهې ترلاسه کول، هم د شريعت او د هېواد نافذه قوانينو څخه دقيق فهم ترلاسه کول.

۲- د قضاء مسلک، څارنوالی، دفاع وکالت، د شرعي او حقوقي مشاوريت اړوند عملي مهارتونو ترلاسه کول او هم د عدليه وزارت اړوند مهارتونو ترلاسه کول.

۳- د ښې حکومتوالی او د قانون حاکميت په منظور د دولت او ټولنې د فقهي اړتياوو او پوښتنو ته ځواب ويل.

۴- د جزايي، مدني، کورنۍ، تجارتي او نورو مختلفو دوسيو د ترتيب مهارتونو ترلاسه کول.

۵- د غوره اخلاقو، نېک چلند، عدالت، هېوادنۍ مينې، د اسلامي او بشري ارزښتونو، چې په اسلامي عقيده ولاړ وي روحيه ترلاسه کول.

د علمي څېړنو د مهارتونو غوړېدا او د بشپړ اسلامي فکر پراختیا، چې د انسانانو اړیکې د خپل پالونکې ذات او بشري ټولنې سره ټینګې او د دنیاوي نعمتونو څخه سالمه ګټه پورته کړي.

۶- فعلا د لېسانس په کچه د نارينه وو او ښځينه وو محصلينو لپاره د تدريس جريان په دوامداره توګه ساتل او ماسټرۍ برنامې د جوړېدو هڅې.

د اسلامي تعليماتو څانګې لرليد (Vision) او رسالت (Mission)

 لرليد (Vision

د اسلامي تعليماتو څانګه دين، هېواد او هېوادوالو ته د خدمت په پار عدلي، قضايي او تعليمي ادارو او تأسيساتو لپاره متخصصين او مسلکي کادرونه روزي؛ څو په واقعي توګه دين، هېواد او هېوادوالو ته د چوپړ مصدر، د هېواد، سيمې او په ټوله کې د نړۍ په کچه د شرعي علومو د تخصص په برخه کې په نړېوالو معيارونو برابر معتبر علمي مرکز وګرځي.

رسالت Mission

د اسلامي تعليماتو څانګه دې ته ژمنه ده چې د دولتي ادارو او خصوصي سکتور د اړتيا سره سم د خپلو استادانو په وسيله د اسې فارغين وروزي چې په خپل فن او مسلک کې پوره مهارت ولري؛ ترڅو د دې علمي بهير فارغين د خپلو حاصل شويو وړتياوو له امله په اسانۍ سره وکولای شي چې په دولتي ادارو او خصوصي سکتور کې د خپل تخصص مطابق دندې پيدا کړي او خپله دنده په احسنه توګه ترسره کړي.

 ارزښتونه (Values)

د اسلامي تعليماتو څانګې ځينې مهم ارزښتونه په لاندې ډول ذکر کېږي.

- په زده کړه او خدماتو کې لا زيات ښه والی.

- تعليمي، اداري او مالي استقلاليت.

- په تعليمي او اداري چارو کې شفافيت او عدالت.

- ديني او ملي ارزښتونو ته ځانګړې توجه کول.

- څېړنې او نوښتونو ته خاص پام کول.

د اسلامي تعليماتو روزنيزې موخې

د اسلامي تعليماتو څانګه کې لاندې موخو ته د رسېدو هڅې کېږي:

۱- د تجويد د اصولو سره سم د قرآن کريم زده کړه او لوستل.

۲- د قرآنکريم د علومو او د تفسير د اصولو مسلکي زده کړې او د اساسي مصادرو پېژندنه يې.

۳- د نبوي احاديثو او د احاديثو د علومو مسلکي زده کړې او د اساسي مصادرو پېژندنه يې.

۴- د توحيد د صحيحي عقېدې پېژندنه او خپراوی.

۵- د نبوي صحيح سيرت زده کړه او په عملي ژوند کې يې پلي کول.

۶- فرد او ټولنې ته د قرآنکريم، نبوي احاديثو او نبوي سيرت د صحيح فهم رسول او تطبيق يې د دنيا او آخرت د سعادت او نېکمرغۍ اساس ګڼل.

۷- په نړۍکې د مختلفو اديانو پېژندنه او د انحرافاتو بيان يي.

۸- د اسلام د مقدس دين د مصادرو په وړاندې د نورو ډلو د دريځ بيان او د هغو د شبهاتو له منځه وړل.

۹- ټولنې ته د قضاء، افتاء، دعوت او خطابت په چارو کې د علمي او مسلکي کادرونو روزل او وړاندې کول.

۱۰- فعلا د لېسانس په کچه د نارينه وو او ښځينه وو محصلينو لپاره د تدريس جريان په دوامداره توګه ساتل.

د اسلامي ثقافت لرليد ((Vision) او رسالت Mission:  

 لرليد (Vision

د داسې مسلکي، ژمنو او منځلارو اسلامي کادرونو درلودل، چې د یوې سالمې اسلامي تربیې عملي نمونې اوسي او د زیاتوالي او کموالي پرته د دنیا او اخرت د نیکمرغۍ لپاره همغږي رامنځته کړي.

رسالت Mission

دا چې د اسلام د سپېڅلې دین په لارښونو ایمان او باور د افغانستان د خلکو د لوړو ځانګړنو څخه دی، نو له دې امله د مذهبي منځلارېتوب خپرول او په ټولنه کې په ښه شان د تقوا او باور مندتیا بنسټیزه کول او همدارنګه له هر څه وړاندې د قانون، عدالت، نظم او په هېواد کې د یوې سالمې ادارې رامنځته کول، چې د لوړو زده کړو لپاره د تدریس او چوپړ زمینه برابره کړي د بنسټیزو اړتیاوو څخه ګڼل کېږي. دا اړتیاوې به هله پوره شي، چې د اسلامي شریعت په چوکاټ کې مو د ایمان او عقیدې څخه علمي، دقیقه او سالمه پوهه شتون ولري او د دیني زده کړو وتلې کارپوهان مو د دیني اخلاقو د سمبالتیا ترڅنګ په علم، مسلک او مهارت مسلط اوسي او په خپله اړونده برخه کې د یوې نمونې په توګه د ټولنې لپاره د چوپړ مصدر وګرځي.

د اسلامي ثقافت روزنيزې موخې

۱- د اسلامي ثقافت د علمي چوپړونو ځانګړتیاوې د لاندې موخو د لاسته راوړلو لپاره ترسره کېږي:

د اسلام په ځېنو اړینو مسایلو باندې پوهه حاصلول چې هغه د عقیدي، عباداتو، اخلاقو، سیاسي، اجتماعي، او اقتصادي امورو پورې تړاو نیسي.

۲- د لوړو زده کړو د بېلا بېلو څانګو محصلان په ټولیزه توګه د اسلام د بنسټیزو ارونو سره اشنا کول.

په نړیواله کچه د مطرحو لید لورو سره اشنایي او د معاصرو علومو د لاسته راوړلو سره د اسلام اړیکه ساتل.

۳- د اسلامي ثقافت او کلتور په بنسټیزو ارونو سمبال د پیاوړو او باخبره ځونانو روزل.

۴- د مسلکي، ژمنو او منځلارو مسلمانانو کادرونو روزل، چې وکولای شي د یوې سالمي اسلامي روزني د نمونې په توګه د افراط او تفریط څخه لرې د دنیا او اخرت د نیکمرغۍ همغږي رامنځته کړي.

۵- د نظري پوهې وړاندې کول، چې په ټولیزه توګه اسلامي مسایل په نقلي او عقلي دلایلو او آثارو پرمټ د هرې موضوع د حکمت په بیانولو سره روښانه او توضیح کړي.

۶- د محصلانو د دیني او اسلامي پوهې کچه لوړول، چې د بشري ټولنې په ټولو اړینو برخو او د فردي او ټولنز ژوند په غوړېدا کې خوځنده او پوره ونډه ولري او د اسلامي تعلیماتو په رڼا کې د ګټورو عناصرو په توګه هېواد ته د صلح او ثبات په راستنېدو کې و ځلېږي.

۷-  د علمي څېړنو د مهارتونو غوړیدا او د بشپړ اسلامي فکر پراختیا، چې د انسانانو اړیکې د خپل پالونکې ذات او بشري ټولنې سره ټینګې او د دنیاوي نعمتونو څخه سالمه ګټه پورته کړي.

پورته د اسلامي ثقافت د څانګې لرلید، رسالت، موخې د شرعیاتو پوهنځی علمي شورا (۱) ۱۰/۲/۱۳۹۹ ګڼه غونډه کې د رایو په یووالې تایید شوي.

د شرعياتو پوهنځی څانګې

< کورپاڼه