د شیخ زاید پوهنتون له دوو پوهنځیو څخه ۱۸۱ محصلان فارغ شول.
د ۱۴۰۴ هـ.ش کال د چنگاښ میاشتې ۲۸مه، چې د ۱۴۴۷ هـ.ق کال د محرم الحرام میاشتې له ۲۳مې نیټې سره برابره وه، د شيخ زايد پوهنتون ښوونې او روزنې له څلورو څانګو او انجنیري پوهنځي له مهندسي څانګې څخه د دوو جلا غونډو په ترڅ کې ۱۸۱ محصلانو ته د فراغت سندونه ورکړل شول.
هغه غونډې چې نن ورځ په همدې موخه په شيخ زايد پوهنتون کې رابلل شوي وې، د شيخ زايد پوهنتون رئيس شيخ الحدیث مولوي محمد نسيم حـ.ـقـ.ـاني، علمي چارو مرستيال پوهنمل نورالله حسین خېل، محصلانو چارو مرستيال مفتي رضوان الله منيب، د دواړو پوهنځيو رئیسانو، استادانو، د فارغو شویو محصلانو خپلوانو او ګڼ شمېر محصلانو ګډون کړی و.
دواړه غونډې د تل په څېر د پوهنتون رئيس، مرستیالانو، د اړوندو پوهنځیو رئيسانو او استادانو لخوا د مسؤلیت احساس، ټولنې ته په رښتیني ډول د خدمت وړاندې کولو، د الله جل جلاله او د خوږ نبي کريم صل الله علیه وسلم په طریقو عمل کولو، د هېواد په آبادۍ کې رغنده رول لوبولو، خپلو زده کړو ته د لا دوام ورکولو او هېواد د عصري علومو په برخه کې د نړۍ سره سيال کولو ویناوو، هدایتونو او د فراغت مبارکیو باندې مزينې وې.
غونډې فارغو شویو محصلانو ته د تصدیق پانو په ورکولو او د دعاء په ویلو سره پای ته ورسیدې.
نشراتو او عامه اړیکو آمريت
