د شیخ زاید پوهنتون کرنې پوهنځي محصلانو ته د ظرفيت لوړونې یو ورځنی سیمینار وړاندې شو.
د شيخ زايد پوهنتون کرنې پوهنځي محصلانو لپاره د شاخه بورۍ، پيوند، قلمه او د باغ ډیزاین تر عنوان لاندې یو ورځنی سیمینار وړاندې شو.
په دې سیمینار کې د شیخ زاید پوهنتون محصلانو چارو مرستیال مفتي رضوان الله منیب محصلانو ته د اوسني عصر اړوند د کرنې په اړه وینا ترسره کړه؛ نوموړي پخپلو خبرو کې وویل چې زموږ هېواد تر بل هر څه زیات د کرنې په برخه کې اړتیا لري تر څو د کرنیزو حاصلاتو په برخه کې په ځان بسیا شو، د هېواد اقتصادي جوړښت، کاري زمینې مساعد کیدل، کرنیزو حاصلاتو، د اوسني عصر ټیکنالوژۍ او ماشینرۍ اړیکه له کرنې سره او اړوندو برخو کې ګټور معلومات وړاندې کړل.
په دغه سیمینار کې ګډونوالو محصلانو ته د شاخه بوري ارزښت، مثمره شاخه بوري، د شاخه بوري وخت، وسایلو او اصولو په اړه عملي لارښوونې، د باغ ډيزاین او جوړښت، پراخولي، اندازې، د بوټو رنګ، لوړوالي او موسمي ځانګړتیاوو له مخې تنظیم، د لارې او چمن، ګلانو بسترونه، د دوو نباتاتو ترمنځ د پیوند لګولو، د نبات د لوړ کیفیت نسل، د تولید لپاره د پیوند ګټې او تخنیکونه، د قلمه اخیستلو طریقه، د ریښو د رامنځته کیدو شرایط (رطوبت، تودوخه، خاوره) د هورمونونو او مناسب چاپېریال رول او نورو برخو کې ګټور او بشپړ معلومات وړاندې او د ترینر استادانو لخوا د محصلانو پوښتنو ته مناسب ځوابونه وويل شول.
ياد سمينار د محصلانو چارو معاونيت محصلانو د سمون او همغږۍ آمريت اړوند د رسنيو مرکز لخوا برابر شوی و، چې د استاد نامزد پوهنیار حکیم خان حقمل لخوا وړاندې شوږ
نشراتو او عامه اړیکو آمريت
