د لوړو زده کړو وزارت تقرر او ترفیعاتو ریاست څخه راغلي هئیت شيخ زايد پوهنتون څخه ليدنه وکړه.
نن چهار شنبه د ۱۴۰۲ هـ.ش کال د مرغومي ۲۰مه، چې د ۱۴۴۵ هـ.ق کال د جمادي الثاني له ۲۸مې نيټې سره سمون لري، د لوړو زده کړو وزارت تقرر او ترفیعاتو ریاست د انکشاف مسلکي او ارتقاء ظرفيت آمر مفتي محمد سعید مدني په مشرۍ درې کسيز هئیت د شيخ زايد پوهنتون مسلکي پرمختیا مرکز څخه ليدنه وکړه.
په دې اړه هغه ناسته چې نن وروسته له غرمې د شيخ زايد پوهنتون مقام کې را بلل شوې وه، د پوهنتون رئیس شیخ الحدیث مسلمين راشد سر بېره، راغلي هئیت غړو، پوهنتون معاونينو او د پوهنځیو رئیسانو ګډون کړی و.
د يادې ناستې ګډونوالو ته د شیخ زاید پوهنتون رئیس شیخ الحدیث مسلمین راشد په خپلو خبرو کې راغلي هئیت غړو ته د ښه راغلاست تر څنګ د لوړو زده کړو وزارت له رهبري مننه وکړه چې په پوهنتونونو کې د شته ستونزو حل او پرمختګ لپاره چټک ګامونه اخلي.
د راغلي هئیت مشر د لوړو زده کړو وزارت تقرر او ترفیعاتو ریاست انکشاف مسلکي او ارتقاء ظرفيت آمر مفتي محمد سعید مدني د شیخ زاید پوهنتون له رهبري مننه وکړه چې د دوی قدرداني یې وکړه، نوموړي هیله وکړه چې ټول به په ګډه د مسلکي پرمختیا مرکزونو لپاره کار کوو.
