د څېړنې مېتودولوژي تر عنوان لاندې درې ورځنی ورکشاپ پای ته ورسېد.
نن سه شنبه د ۱۴۰۳ هـ.ش کال د تلې میاشتې ۱۷مه، چې د ۱۴۴۶ هـ.ق کال د ربیع الثاني مياشتې له ۵مې نېټې سره سمون لري، د شيخ زايد پوهنتون علمي څېړنو معاونيت لخوا د څېړنې مېتودولوژي تر عنوان لاندې درې ورځنی ورکشاپ پای ته ورسېد.
یاد ورکشاپ کې د څېړنې پېژندنه، ځانګړنې، ډیزاین، د څېړنې ډولونه، د څېړنې اغېزمن مېتود، د څېړنې مراحل، د موضوع د ټاکلو منابع، د یوې موضوع لپاره د څېړنې معیارونه او د څېړنې اړوند ځينې مهمو موضوعاتو په اړه معلومات وړاندې شول.
دغه درې ورځنی ورکشاپ چې د شيخ زايد پوهنتون علمي څېړنو معاونيت لخوا په لاره اچول شوی و، د ټولو پوهنځيو څخه ۳۶ استادانو پکې ګډون کړی و، چې د کرنې پوهنځي استاد پوهنمل محمد اسمعيل مقبل لخوا وړاندې شو.
نشراتو او عامه اړیکو آمریت
