شيخ زايد پوهنتون کې د حقوقو، وترنري علومو، کرنې او طب پوهنځیو کادري بستونو له نوماندانو څخه آزموینه واخيستل شوه.
د ۱۴۰۳ هـ.ش کال د سنبلې مياشتې ۲۸مه، چې د ۱۴۴۶ هـ.ق کال د ربیع الاول مياشتې له ۱۵مې نيټې سره سمون لري، د شيخ زايد پوهنتون امام ابوحنیفه رحمه الله غونډو په تالار کې د طب پوهنځي صغیره جراحي، اناتومي، فزيالوژي او مایکرو بيولوژي څانګو، د کرنې پوهنځي اړوند نبات ساتنې، زراعتي اقتصاد او کرنيزې سوداګرۍ پراختیا څانګو، وترنري علومو پوهنځي اړوند کلینیک، پري کلینیک او پارا کلینیک څانګو، د انجینري پوهنځي اړوند برق څانګې همدارنګه د حقوقو او سیاسي علومو پوهنځي حقوقو څانګې خالي بستونو له شاوخوا ۷۰ نوماندانو څخه د خارجي ژبې آزموینه واخيستل شوه.
د آزموینې لپاره په رابلل شویو مراسمو کې د شیخ زايد پوهنتون علمي مرستیال پوهنیار نورالله حسین خېل سربېره د لوړو زده کړو وزارت د علمي ترفیعاتو او تقرر رياست اړوند د ترفیعاتو آمر مولوي حميدالله عابد په مشرۍ درې کسیز پلاوي او د پوهنتون د علمي ترفيعاتو او تقرر عمومي کميټې غړو هم ګډون درلود.
د شيخ زاید پوهنتون علمي مرستيال پوهنیار نور الله حسین خېل په خپلو خبرو کې ګډونوالو ته د آزموینې د معلوماتو سربېره د آزموینې شفایت ډاډ هم ورکړ او زياته یې کړه چې هيڅ ډول لاس وهنې ته به پکې اجازه ور نکړي.
د لوړو زده کړو وزارت علمي ترفیعاتو آمر مولوي حميدالله عابد هم خبرې وکړې او په آزموینه کې یې د شفافيت ډاډ ورکړ.
د يادې آزموینې برياليو نوماندانو څخه به سبا ورځ د سنبلې مياشتې ۲۹مه نيټه اړوندو برخو کې تخصصي آزموینه واخيستل شي.
