شيخ زاید پوهنتون کې د اسلامي ثقافت کاندیدانو څخه د عربي ژبې ازموینه د لوړو زده کړو وزارت علمي معین په حضورداشت کې واخېستل شوه!
نن ورځ د ۱۴۴۴ هـ ق کال د صفرالمظفر د مياشتې ۱۴، چې د ۱۴۰۱ هـ ش کال د سنبلې مياشتي ۲۰ نېټې سره برابره ده، شیخ زاید پوهنتون کې د یو لړ مراسمو په ترڅ کې د اسلامي ثقافت مضمون لپاره د ۹۸ علماوو کرامو څخه ازموینه واخستل شوه.
په یادو مراسمو کې د شیخ زاید پوهنتون رئیس انجینر همایون معاویه،د لوړو زده کړو وزارت د علمي چارو معین دوکتور لطف الله خیرخواه ، د لوړو زده کړو وزارت ازموینې کميټې مسؤل مفتي محمد سعید ، د شخ زاید پوهنتون مرستیالانو د ازموینې کميټې غړیو او استادانو ګډون درلود.
غونډه د قرانکریم څو مبارکو ایاتونو په تلاوت رسمآ پيل شوه، په سر کې د شیخ زاید پوهنتون رئیس انجینر همایون معاویه مېلمنو او د غونډې ټولو ګډونوالو ته ښه راغلاست ویلو ترڅنګ په خپلو خبرو کې زیاته کړه چې، شیخ زاید پوهنتون ته د لوړو زده کړو وزارت لخوا ۲۳ علمي بستونه ورکول کیږي چې دا یوه لویه لورينه او د شیخ زاید پوهنتون سره د همکارۍ یوه بیلګه ده، چې په تقرر سره به یې د پوهنتون ستونزه حل شي .
ښاعلي انجینر معاویه ګډونوالو ته ډاډ ورکړ، چې ازموینه به په پوره شفافیت سره واخېستل شي او هرچا چې د ازموینې په نتیجه باندې قناعت نه درلود، هر وخت د شیخ زاید پوهنتو رياست دروازې د دوی پر مخ خلاصې دي.
ا.ا.ا په اډانه کې فساد شتون نه لري او هیچا ته به اجازه ورنه کړي چې، یاده پروسه د خنډ او ځنډ سره مخامخ کړي.
د لوړو زده کړو وزارت علمي چارو معين ښاغلي دوکتور لطف الله خيرخوا په خپلو خبرو کې وويل، چې یاد بستونه چې شیخ زاید پوهنتون ته په ځانګړي ډول ورکړل شوی دي او ډېر د اهميت وړ دي، با استعداده او لایق کسان به د پوره شفافې پروسې څخه وروسته پکې وګمارل شي.
د شیخ زاید پوهنتون د علمي چارو مرستیال پوهنمل عبدالطیف رحیمي، د شیخ زاید پوهنتون لاسته راوړنې په لنډ ډول بیان کړي او زیاته کړه چې د شیخ زاید پوهنتون رهبرۍ له بار بار غوښتنو څخه وروسته ۲۳ بستونه ورکړل شول، چې نن ورځ به د یوې شفافې ازموینې په ترڅ کې ورته وړ او با استعداده کسان وګمارل شي.
غونډه د لوړو زده کړو وزارت د ازموینې کميټې مسؤل مفتي محمد سعید لخوا د با استعداده کسانو د کامیابۍ او سر لوړي افغانستان دعایې په ویلو سره پای ته ورسيده.
د یادې ازموینې لپاره ۱۲۳ کسانو ثبت نام کړی و چې په شرایطو برابر ۹۸ کسانو څخه ازموینه واخیستل شوه، چې له یادې جملي څخه به ۲۳ کسان جذب شي.
