د شيخ زايد پوهنتون محصلانو تر منځ د تحصيل تر عنوان لاندې والیبال سيالۍ پای ته ورسيدې.
شيخ زايد پوهنتون کې د تحصيل تر عنوان لاندې د والیبال سيالۍ چې څه موده وړاندې د محصلانو چارو معاونيت لخوا د دوولسو پوهنځيو، اداري کارکوونکو او لیلیې محصلانو لوبډلو تر منځ په لاره اچول شوې وې، پای لوبه تر سره شوه.
پای لوبه چې تېره ورځ د انجنیري، حقوق او سياسي علومو پوهنځيو لوبډلو تر منځ تر سره شوه، د انجنيري پوهنځي لوبډلې وکړای شول چې دوه د يو په مقابل کې حقوقو او سياسي علومو پوهنځي لوبډلې ته ماتې ورکړي او بريا په خپل نوم کړي.
دغه سيالۍ مطالعې ته د محصلانو هڅونې، ذهني ارامتیا، د محصلانو تر منځ د صمیميت او یووالي ساتل او د والیبال په برخه کې د محصلانو استعدادونو را برسېره کولو په موخه د ترتيب شوې وې او اتلس ورځې یې دوام وکړ.
نشراتو او عامه اړیکو آمريت
