محصلانو ته په ځان اعتماد او انګېزه تر عنوان لاندې سیمينار ورکړل شو.

نن سه شنبه د ۱۴۰۴ هـ.ش کال د عقرب مياشتې ۱۳مه، چې د ۱۴۴۷ هـ.ق کال د جمادی الأولی مياشتې له ۱۳مې نیټې سره سمون لري، د شيخ زايد پوهنتون اداري ودانۍ غونډو په تالار کې د بېلا بېلو پوهنځیو محصلانو ته په ځان باور، اعتماد او انګېزه تر عنوان لاندې سیمینار وړاندې شو.
په دغه سیمینار کې په ځان د باور، اعتماد او انګېزې پېژندنه، په ځان د باور او اعتماد پیاوړتيا عوامل، ټولنيز او چاپېريالي عوامل، په ځان د اعتماد، باور او انګېزې د کموالي لاملونه، د اعتماد، باور او انګېزې تر منځ اړیکې او یو شمېر نورو اړوند موضوعاتو باندې معلومات ارایه کړل شول او محصلانو ته څرګنده شوه چې اعتماد، باور او انګېزه درې واړه د انسان د فکر، احساس او عمل تر منځ هغه پل دی چې د تصور څخه عمل ته د تګ لاره هواروي.
ياد سیمينار د محصلانو چارو معاونيت له لوري برابر شوی و، چې د ټولنیزو علومو پوهنځي استاد پوهنمل قدرت الله صدیقي لخوا وړاندې شو.
نشراتو او عامه اړیکو آمريت