د شرعياتو او حقوقو پوهنځیو محصلانو ته د قضیې له محل څخه د اثباتیه مدارکو را ټولونه او کوروکي تر عنوان لاندې سیمینار وړاندې شو.

نن دوشنبه د ۱۴۰۴هـ.ش کال د عقرب مياشتې ۱۹مه، چې د ۱۴۴۷ هـ.ق کال د جمادی الأولی مياشتې له ۱۹مې نيټې سره سمون لري، د شيخ زايد پوهنتون شرعیاتو، حقوقو او سياسي علومو پوهنځيو د څلورمو ټولګيو محصلانو ته د جرمي پېښې له محل څخه د اثباتیه مدارکو را ټولونې او کوروکي په تړاو سیمینار وړاندې شو.
دغه سیمینار چې د محصلانو چارو معاونيت اړوند محصلانو خدمتونو او همغږۍ آمريت له لوري په لاره اچول شوی و، د خوست ولایت امنيه قوماندانۍ اړوند د کریمنل تخنیک مسؤلینو له لوري وړاندې شو، چې پکې د اثباتیه مدارکو پېژندنه، را ټولونه، ډولونه، عکاسي کول او همدارنګه د جرم سحنې په مکمل ډول کوروکي اخیستنه باندې مفصل معلومات ورکړل شول، چې د محصلان د عملي زده کړو لپاره ګټور و.
نشراتو او عامه اړیکو آمريت