د خوست والي له تدریسي روغتون څخه ليدنه وکړه.

سه شنبه د ۱۴۰۴ هـ.ش کال د عقرب میاشتې ۲۷مه، چې د ۱۴۴۷ هـ.ق کال د جمادی الأولی میاشتې له ۲۷مې نیټې سره یې سمون درلود، د خوست ولایت والي الحاج مولوي عبدالله مختار د شيخ زايد پوهنتون له تدریسي روغتون څخه ليدنه وکړه.
د شیخ زاید پوهنتون رئیس شیخ الحدیث مولوي محمد نسیم حقـ.ـاني محترم والي او ورسره راغلي پلاوي ته د ښه راغلاست تر څنګ، د تدریسي روغتون په اړه معلومات ورکړل.
د خوست ولایت والي الحاج مولوي عبدالله مختار چې د ولایت په کچه یو لوړ پوړي پلاوي یې ملتیا کوله، د تدریسي روغتون روغتیا پالانو هڅې یې وستایلې او زیاته یې کړه چې دا کدرونه زموږ تاریخي ویاړونه دي، د همت او حوصلې لرلو هدایت تر څنګ یې په خپله برخه کې د بشپړې همکارۍ ډاډ ورکړ. 
نوموړي د تدریسي روغتون د بېلا بېلو برخو او ناروغانو څخه  ليدنه وکړه او د هغوی ستونزې او مشکلات یې واوریدل.
نشراتو او عامه اړیکو آمريت