د شیخ زاید پوهنتون رهبري شورا ناسته تر سره شوه
نن سه شنبه د ۱۴۰۳ هـ.ش کال د قوس مياشتې ۲۷مه، چې د ۱۴۴۶ هـ.ق کال د جمادي الآخرة مياشتې له ۱۵مې نيټې سره سمون لري،
د رهبري شورا ناسته د شیخ زاید پوهنتون رئیس شیخ الحدیث مسلمين راشد په مشرۍ، مرستیالانو او د پوهنځیو رئیسانو په ګډون ریاست مقام کې ترسره شوه.
ناسته د قرآن کریم څو مبارکو آیتونو په تلاوت سره پیل شوه، پرانیستونکي وینا کې د شیخ زاید پوهنتون رئیس شیخ الحدیث مسلمین راشد وویل: ((خپلو چارو ته په ښه شکل سره متوجې شئ، د پوهنتون هر مسؤل غفلت ته مه پرېږدئ؛ تر څو کارونه پر وخت ترسره شي.))
ورپسې د پوهنځیو مقالو او کنفرانسونو نهایي راپور، څېړنیز فارم محصلاتو او عوایدو، د ۱۴۰۴ هـ.ش کال تدارکاتي پلان تایید او یو شمېر نورو موضوعاتو باندې بحث تر سره شو، چې په اړه یې لازمې پرېکړې تر سره شوې.
نشراتو او عامه اړیکو آمريت
