د شیخ زاید پوهنتون عامه کتابتون او د کرنې پوهنځي کتابتون سره د کتابونو مرسته وشوه
د (کرنیز اقتصاد او کروندې مدیریت اساسات) ژباړل شوی کتاب، چې لیکوال یې ډیویډ کاهان دی او د ملګرو ملتونو د خوړو او کرنې نړیوال سازمان له خوا چاپ شوی دی، د شیخ زاید پوهنتون رئیس پوهنمل حسین ګل اریوبي لخوا په ۱۳۹۹ ل – ل کال کې د ۱۱۷ مخونو په درلودلو سره په ساده او روانه خوږه پښتو ژبه ژپاړل شوی دی.
یاد کتاب د کابل پوهنتون د کرنیز اقتصاد او توسعې څانګې امر پوهندوی ډاکټر میراقا حسن خېل او د شیخ زاید پوهنتون د کرنې پوهنځي رئیس پوهندوی رحمت الله هاشمي لخوا د تقریظ او بیا کتنې وروسته د نوي مستقبل خپروندیه ټولنې لخوا تازه ۱۰۰۰ ټوکه چاپ شوی دی.
پاتې دې نه وي چې ژباړل شوی اثار د کرنیز اقتصاد او د فارم د مدیریت بنسټونه ، د بریالي مدیر په توګه د کروندګر بنسټېزې دندې، پریکړې، مهارتونه د کرنیزو او حیواني محصولات د تولید لپاره د تولید اړینو عواملو د برابرولو ترڅنګ د تولید د پروسې ... د کرنیزو محصولاتو د تولید او بازار موندنې اقتصادي مفاهیم د یاد کتاب عمده برخې جوړه وي.
د شیخ زاید پوهنتون رهبري تل هڅه کوي، چې د بیلا بیلو نهادونو څخه علمي اثار د پوهنتون عامه کتابتون ته جذب کړي. په تېرو نیږدې کالونو کې شیخ زاید پوهنتون عامه کتابتون تر ډيره حده د علمي نهادونو او د لوړو زده کړو وزارت لخوا په علمي کتابونو سمبال شوی او لا هم هڅې رواني دي، ترڅو د هېواد په کچه یو پرمختللی کتابتون جوړ او د مطالعې مینوالو تنده خړوبه کړي.
